„მეუღლის და ჩვილის თვალწინ ახალნამშობიარები დედა აწამეს და გაგუდეს“ – საზარელი დანაშაული, რომელიც საბერძნეთში, შესაძლოა, ქართველებმა ჩაიდინეს

საბერძნეთში ყაჩაღობისთვის დაკავებული ქართველების შესახებ ახალი ინფორმაცია ვრცელდება.

სოციალურ ქსელში პოსტს საბერძნეთში მცხოვრები ქართველი ემიგრანტი თამარა შანავა აქვეყნებს და საზარელი დანაშაულის დეტალებზე წერს.

„ე. ი. რამოდენიმე კვირის წინ საბერძნეთში დაჭერილი კრიმინალური დაჯგუფების შესახებ არ მინდოდა თქვენი დამწუხრება (დედას ჰყავდა გაწვრთნილი ვაჟები, ქურდობდნენ, ნადავლი მასთან მიჰქონდათ ნაქირავებ ბაითში) ისედაც სულ უარყოფითი ინფორმაციების ტყვეობაშია საქართველოს მოსახლეობა, მაგრამ ახლა უკვე თანახმა ვარ ამ ნაბიჭვარის ( ების ) ფოტო ყველა ბოძზე იყოს გაკრული და სამომავლოდ მხოლოდ ფურთხს იღებდნენ ჩვენგან!

7 მარტს, ათენის განაპირა უბანში დააყაჩაღეს ახალგაზრდა წყვილი. 20 წლის ახალნამშობიარები დედაა ნაწამები და გაგუდული, ჩვილი ბავშვის და მეუღლის თვალწინ. მამა სამხედრო პილოტია და ამბობს, რომ იარაღი შუბლზე პატარასაც დაადეს!

მთელი საზოგადოება შოკში იყო, პოლიცია დაგეშილი ეძებდა ვიდეოკადრში დაფიქსირებულ ყაჩაღებს.

თურქეთის საზღვარზე დააკავეს საქართველოს მოქალაქე, რომელიც ერთ-ერთია 5 ქურდიდან“, – წერს თამარ შანავა.

Previous post დმანისში ახალგაზრდები ერთმანეთს თავს ჯოხებითა და ბეისბოლის ბიტებით დაესხნენ
Next post აპლიკაცია “გლოვოს” გამოყენებას ვერც დღეს შეძლებთ – 1000-მდე კურიერი გაფიცვას აგრძელებს