კვიპროსში ქართველები სასტიკად სცემეს – მომხდარს ადგილობრივი პოლიცია იძიებს

კვიპროსის ქალაქ პაფოსში მცხოვრები ქართველები სასტიკად სცემეს – ამის შესახებ ინფორმაციას ადგილობრივი სააგენტო Phileleftheros-ი ავრცელებს.

გამოცემის ცნობით, უცნობი პირების თავდასხმის შედეგად დაშავებული ორი ქართველი საავადმყოფოში მოხვდა. დაზარალებულებმა – 36 და 47 წლის ქართველებმა პოლიციას მიმართეს. მათი საჩივრის მიხედვით ირკვევა, რომ პაფოსის სანაპიროზე ყოფნისას, მათ თავს უცნობი პირები დაესხნენ და ყოველგვარი მიზეზის გარეშე სცემეს.

დაზარალებულებმა ადგილობრივ ჰოსპიტალს მიმართეს. მათ სხეულზე მრავლობითი სისხლჩაქცევები აღენიშნებოდათ. პირველადი სამედიცინო დახმარების გაწევის შემდეგ, დაზარალებულები კლინიკიდან გაწერეს.

მომხდართან დაკავშირებით მიმდინარეობს გამოძიება.

Previous post “ტიპები სახელმწიფო ტყეებს უკანა ეზოებად იერთებენ, დაგრიალებენ და შენ გიხლია თავში ქვა. იცხოვრე გამოქვაბულის ცხოვრებით!“ – რას წერს ინგა გრიგოლია
Next post ვერ ვსუნთქავდი, ვერ დავდიოდი, ვხოხავდი ტკივილისგან – ლევან ვასაძე მიმართვას ავრცელებს